Crime News: कंपनीत केबल चोरणारे टोळीला अटक करण्यात पोलीसांना यश, 04 आरोपी अटक, 18,00,000/- रु कमितीचा मुद्देमाल जप्त; एकूण दोन गुन्हे उघडकीस
प्रतिनिधी (महाराष्ट्र ऑनलाईन न्युज): दि 02/02/2026 रोजी रात्रीचे वेळी रांजणगाव एमआयडीसी पोलीस स्टेशन हहितील रांजणगाव, खंडाळे माथा ता शिरुर जि पुणे येथिल स्पर्श इंलेक्ट्रोनिक कंपनितिल केबल वायर बंडल कोणीतरी अज्ञात चोरट्यांनी चोरुन नेले बाबत घटना घडली होती, त्यावरुन अर्केज रामराव शिंदे रा शिक्रापुर ता. शिरुर, जि. पुणे यानी दिलेल्या फिर्यादी वरुन केबल चोरीचा गुन्हा दाखल करण्यात आला होता.
सदर गुन्ह्यात पोलीस निरिक्षक महादेव वाघमोडे यांनी गुन्हा उघडकिस आणण्याचे दृष्टिने रांजणगाव एमआयडीसी पोलीस स्टेशनच्या तपास पथकातिल पोलीस उपनिरिक्षक अविनाश थोरात, सहा फौजदार दत्तात्रय शिंदे, पोलीस अमंलदार उमेश कुतवळ, योगेश गुंड, किशोर शिवणकर यांना कौशल्यपुर्वक आरोपींचा शोध घेउन गुन्हा उघडकिस आणणे बाबत सुचना दिल्या होत्या.
रांजणगाव एमआयडीसी पोलीस स्टेशनचे तपास पथका कडुन अज्ञात चोरट्याचा शोध सुरु होता, तपास पथकाने रांजणगाव, शिक्रापुर व परिसरातिल 50 पेक्षा जास्त सीसीटिव्ही तपासुन व तांत्रिक विश्लेषनाचे आधारे आरोपींचा शोध घेणे सुरु असताना पोलीस अंमलदार उमेश कुतवळ यांना त्यांचे बातमीदारा मार्फत बातमी मिळाली की, तळेगाव ढमढेरे येथिल 03 जण हे रात्रीचे वेळी कंपनीतील केबल वायर चोरुन घेउन जात असले बाबत माहिती मिळाली. तसेच तांत्रिक विश्लेषनाचे आधारे गुन्ह्यातील अज्ञात चोरटे हे त्याच भागातील असल्याचे निष्पन्न झाल्याने रांजणगाव एमआयडीसी पोलीस स्टेशनचे तपास पथकाने आरोपी नामे १) विकास संतोष पवार (वय 27 वर्षे) रा. मुखई, इंदिरानगर ता. शिरुर, जि. पुणे २) रोहित गणेश शिंदे (वय 20 वर्षे) रा. तळेगाव ढमढेरे, ता. शिरुर, जि. पुणे ३) ओमकार फकिऱ्या काळे (वय 20 वर्षे) रा. तळेगाव ढमढेरे, ता. शिरूर, जि. पुणे यांना तळेगाव ढमढेरे व मुखई ता. शिरुर, जि. पुणे या ठिकाणावरुन शिताफीने ताब्यात घेतले आरोपींकडे सखोल चौकशीत गुन्हा केल्याचे निष्पन्न झाल्याने त्यांना अटक करण्यात आली. सखोल चौकशीत आरोपींनी सदर चोरी केलेला माल हा फैजान इमरान खान (वय 23 वर्षे) रा. सर्वे नं 53 फिरोज मंजिल, मक्का मजिद जवळ, भाग्योदय नगर, कोंढवा खुर्द पुणे याला विक्री केल्याची कबुली दिल्यावर त्यास अटक करुन त्याचे कडुन गुन्ह्यातील गेले माल व गुन्हा करणे करीता वापरलेली मालवाहु कँरी व दोन मोटारसायकली असा एकुण 18,00,000/- रु किमतीचा मुद्देमाल जप्त करण्यात आले आहे. सदर आरोपी यांनी सदर कंपनीत माहे ऑगस्ट 2025 रोजी चोरी केल्याचे निष्पन्न झाले आहे, तसेच सदर आरोपी यांचे कडुन आणखीन गुन्हे उघड किस येण्याची शक्यता आहे.
सदरची कामगिरी ही पोलीस अधिक्षक संदिपसिंह गिल्ल, रमेश चोपडे, अप्पर पोलीस अधिक्षक पुणे विभाग, प्रशांत ढोले, उपविभागिय पोलीस अधिकारी शिरूर विभाग शिरूर, यांचे मार्गदर्शना खाली महादेव वाघमोडे रांजणगाव एमआयडीसी पोलीस स्टेशन, पोलीस उपनिरिक्षक अविनाश थोरात, सहा फौजदार दत्तात्रय शिंदे, पोलीस अंमलदार उमेश कुतवळ, योगेश गुंड, किशोर शिवणकर, होमगार्ड राहुल इचके, शैलेश जगताप, बारकु गोडसे, रामदास शिंदे यांनी केली आहे. सदर गुन्हयाचा पुढील तपास सहा फौजदार दत्तात्रय शिंदे हे करीत आहे.
