News: पुणे ग्रॅंड चॅलेंज दूर सायकलिंग स्पर्धा 2026 अनुषंगाने वाहतूक वळविण्याबाबत जिल्हादंडाधिकारी यांचे आदेश जारी

प्रतिनिधी (महाराष्ट्र ऑनलाईन न्युज): पुणे ग्रॅंड चॅलेंज दूर सायकलिंग स्पर्धा २०२६ दरम्यान स्पर्धकांच्या सुरक्षिततेच्या दृष्टीने मार्गावरील डांबरीकरणाचे काम सुरळीत पार पाडण्यासाठी जिल्हाधिकारी तथा जिल्हादंडाधिकारी जितेंद्र डूडी यांनी मोटार वाहन कायदा १९८८ चे कलम ११५ तसेच शासनाच्या गृह विभागाच्या १९ मे १९९० च्या अधिसूचनेनुसार प्राप्त अधिकारांचा वापर करून २० नोव्हेंबर २०२५ ते २ डिसेंबर २०२५ दरम्यान दररोज सकाळी 8 वाजेपासून रात्री 9 वाजेपर्यंत संबंधित मार्गांवरील सर्व प्रकारची वाहतूक पर्यायी मार्गांनी वाहतूक वळविण्याचा आदेश जारी केला आहे.

पर्यायी मार्ग पुढीलप्रमाणे राहतील, मोरगाव ते मुर्टी रोड काम सुरू असताना वाहतूक मोरगाव – लोणीपाटी – लोणी भापकर – पेशवे वस्ती (कोऱ्हाळे बु) – करंजेपूल – सोमेश्वरनगर अशी जाईल. मुर्ती ते चौधरवाडी फाटा रोडचे काम सुरू असताना वाहतूक मुर्ती – वाकी – करंजे – सोमेश्वरनगर अशी जाईल. तर चौधरवाडी फाटा ते निरा रोड काम सुरू असताना वाहतूक चौधरवाडी फाटा – करंजे – सोमेश्वर अशी जाईल.